भारत भ्रमणमा रहेका नेपालका पूर्व प्रधानमन्त्री
शेरवहादुर देउवालाई हिन्दुराज्यको लागि पहल
गर्न भारतले दबाब
दिएको छ । भारतीय प्रधानमन्त्री नरेन्द्र मेदीसँग भेट
गर्नु अघि भारतीय जनता पार्टीका नेताहरुसँग भेट
गरेका देउवालाई ती नेताहरुले त्यस्तो दबाब दिएका
हुन् ।
भारतीय विदेशमन्त्री शुष्मा स्वराजसँगको भेटमा
उनीले भारत सरकार नेपालमा ‘हिन्दु राज्य हुनुपर्छ’
भन्नेमा रहेको आशय व्यक्त गरेकी थिइन् । स्वराजले
नेपालमा हिन्दू राज्य पुनस्र्थापनाको पक्षमा जनता
आन्दोलित भएको सन्दर्भ पनि त्यस भेटमा उल्लेख
गरेकी थिइन् ।
भारतीय जनता पार्टीका बरिष्ठ नेता भगतसिंह
कोसियारीले पनि देउवालाई धर्म निरपेक्षता शब्द
संविधानबाट हटाउनु पर्ने धारणा राखेका थिए ।
कोसियारीले ‘सक्नुहुन्छ भने हिन्दु राष्ट्र लेख्नुस्, तर
सक्नुहुन्न भने धर्म निरपेक्षता हटाएर धार्मिक
स्वतन्त्रता राख्नुस्’ भनी देउवालाई निर्देशन नै
दिएका थिए । मोदीसँगको भेटमा भने मोदीले त्यस
विषयमा खुलेर कुरा नगरेको पत्रकार ऋषि धमलाले
भारतीय राजदूत जयन्तप्रसादलाई उधृत गर्दै जानकारी
दिए ।
संबिधानमा सबैलाई समेट्न मोदीको सुझाब
भारतीय प्रधानमन्त्री नरेन्द मोदीले संबिधानमा
सबैलाई समेट्न सुझाब दिएका छन् । भारत भ्रमणमा
रहेका पूर्वप्रधानमन्त्री देउवा र मोदीबीच भएको
भेटवार्ता उनले यस्तो सुझाव दिएका हुन् । उनीहरुबचि
शुक्रवार नयाँ दिल्लीको हैदरवाद हाउसमा भेटवार्ता
भएको हो । ‘भेटवार्तामा भारतीय प्रधानमन्त्री
मोदीले सबै पक्षले अपनत्व गर्ने खालको संविधान
चाँडो ल्याउन सुझाव दिनुभयो,’ देउवासँगै रहेकी
उनकी पत्नी आरजु देउवाको भनाई उध्रित गर्दै पत्रकार
धमलाले भने ।
लिपुलेक बारे बोलनन् देउवा
भारत भ्रमणका क्रममा रहेका देउवाले भारतीय
प्रधानमन्त्री मोदीसँगको भेटमा भेटमा महाकाली
सन्धि कार्यान्वयनको विषय उठाए पनि लिपुलेकका
बारेमा भने कुनै कुरा गरेनन् ।
यद्यपि देउवाले मोदीसँगको भेट अघि दिल्लीस्थित
सरकारी थिङ्क–ट्याङ्क सुरक्षा मामला अध्यन
निकाय (आइडीएसए) मा नेपाल–भारत समसामयिक
सम्बन्धकाबारे प्रवचन दिने क्रममा भने लिपुलेकसहित
कालापानी र सुस्ता नेपालको भूभाग भएको दावी
गरेका थिए ।
उनले लिपुलेक नेपाल–भारत–चीनको त्रिदेशीय नाका
भएको यथार्थलाई भुल्न नमिल्ने भन्दै नेपाल–भारत
बीच रहि आएको सुमधुर र सहज सम्बन्ध अन्यत्र कहींकतै
नभएकाले द्धैपक्षीय वार्ता र कुटनीतिक
समझदारीबाट बिबादलाई सहजै हल गर्न सकिने दाबी
गरेका थिए ।
यसअघि देउवाले भारतीय राष्ट्रपति प्रणव मुखर्जी,
गृहमन्त्री राजनाथ सिंह, भाजपा उपाध्यक्ष भगतसिंह
कोसियारी, विदेश मन्त्री शुष्मा स्वराजलगायतसँग
पनि वार्ता गरेका थिए ।
0 comments:
Post a Comment