भिडियो हेर्न यहाँ तल क्लिक गर्नुहोस

रुपन्देहीमा संविधान जलाईयो

भैरहवा, ४ असोज । रुपन्देही क्षेत्र नं. ६ का
संविधानसभा सदस्य एवम तराई मधेश लोकतान्त्रिक
पार्टीका महामन्त्री सर्वेन्द्रनाथ शुक्लाले संविधान
जारी भए पनि संविधान कार्यान्वयन हुन नसक्ने
दावी गरेका छन ।
भैरहवमा संविधानको प्रतिकात्मक प्रति जलाउदै
शुक्लाले संविधान पारित गरि जारी पनि गरि
सकेको अवश्थामा कार्यान्यवयन नहुनेमा जोड
दिएका हुन । तीन नेताले मात्र सहि गरी जारी
गरिएको संविधानमा मधेशी, मुस्लिम, पिछडा वर्ग,
थारु, दलित, जनजाती आादिको हक अधिकार
नसमेटिएको कारण नेपालमा यस्को औचित्य नभएको
बताए ।
जारी भएको संविधानमा अन्तराष्ट्रिय समुदायको
पनि समर्थन नरहेको शुक्लाले दावी गरे । अधिकांश
जनताले असन्तुष्टि जनाई बन्दुक, कर्फ्यू र
निषेद्याज्ञाको भरमा ल्याईएको संविधानमा
आफ्नो समर्थन नरहेको भारत लगायतका देशले समर्थन
नगरेको उनको भनाई छ ।
शुक्लाले अबको दिनमा आन्दोलन फरक शैलीबाट जाने
संकेत दिएका छन । मंगलबार राजबिराजमा हुने मधेशी
मोर्चामा आवद्ध पार्टी अध्यक्षहरुको बैठकले
आन्दोलनको भावी रणनीति तय गर्ने उनले जानकारी
दिए । मधेशीका ४ मूल मागहरु पुरा नभए सम्म आन्दोलन
निरन्तर चलिरहने उनले जनाए । संविधानमा
नागरिकताको बिषय मात्र संशोधित भएर आएको र
बाँकी मागहरु समानुपातिक समावेशी प्रतिनिधित्व,
जनसंख्याको हिसाबमा जन प्रतिनिधिको
ब्यावस्था र मधेशमा दुई प्रदेश नदिए सम्म आन्दोलन
नरोकिने उनले बताए ।
संविधानप्रति असन्तुष्टि राख्दै आएका बिभिन्न दल
तथा समूहले अहिले भैरहवा तथा यस आसपासमा
संविधानको प्रतिकात्मक प्रति जलाईरहेका छन् ।
भैरहवामा नेकपा–माओवादी, हिन्दु राष्ट्र बचाउ
अभियान, मधेशी दल लगायतले संविधान जलाई रहेका
छन् । भैरहवा बाहिर बनगाई, पर्सा, धकधई, बैकुण्ठपुर
लगायतका स्थानमा समेत संविधानको प्रति
जलाईएको छ । आगामी दिनमा पनि
कार्यक्रमहरुलाई निरन्तरता दिने संयुक्त
लोकतान्त्रिक मधेशी मोर्चाका संयोजक महेन्द्र
यादवले बताए ।