भिडियो हेर्न यहाँ तल क्लिक गर्नुहोस

पत्रकार महासंघमा पनि तोडफोड
वीरगन्ज : मधेसी दलका कार्यकर्ताले कर्फ्यू अवज्ञा
गरेर प्रदर्शनका क्रममा सोमबार साँझ पर्सा क्षेत्र
नम्बर–३ का एमाले सांसद राज कुमार गुप्ताको घरमा
पेट्रल बम प्रहार गर्दै तोडफोड र आगजनी गरेका छन् ।
उनीहरुले वीरगन्ज श्रीपुरमा अवस्थित सांसद गुप्ताको
घरमा प्रदर्शनकारीहरले तोडफोड र आगजनी गरेका हुन्
।
करिब ५०जनाको संख्यमा रहेका प्रदर्शनकारीहरुले
शुरुमा सभासद गुप्ताको घरमा बाहिरबाट तीनवटा
पेट्रोल बम प्रहार गरेका थिए ।
त्यसपछि उनीहरुले मेनगेट तोडेर घरभित्र प्रवेश गरी ना
१५ प ९४८४ नम्बरको मोटरसाइकल, एलइडी टिभी ,
दुईवटा साइकल , सोफा , बच्चका खेलौना , दुर्इवटा
साइकल लगायतका सामन बाहिर निकालेर आगजनी
गरे । उनीहरुले घरका सजावटका सामनहरु पनि
तोडफोड गरे ।
तोडफोड भएको खबर पाएर घटनास्थलमा प्रहरी
पुगेलगत्तै प्रदर्शनकारीहरु फरार भएका थिए ।
उनीहरुलाई लखेटने क्रममा प्रहरीले तीन राउण्ड रबरको
गोली र एक सेल अश्रू ग्याँस प्रहार गरेको थियो ।
तोडफोडमा संलग्न एक युवलाइ भने प्रहरीले पक्राउ
गरेको छ । उनको नाम ठेगाना प्रहरीले खुलाएको छैन ।
प्रहरीको लापरवाहीकै कारण घरमा
आन्दोलनकारीहरुले तोडफोड गर्न सफल भएको सांसद
गुप्ताका साला जितेन्द्र गुप्ता रौनियारले बताए ।
घरको सुरक्षाका लागि सोमबार बिहानदेखि घरको
सुरक्षामा खटाइएका चारजना सादा पोशाकका
प्रहरी तोडफोड र आगजनी शुरु भएपछि अचानक घर
छाडेर भागेको उनले बताए । प्रदर्शनकारीहरुले आइतवार
पनि सभासद् गुप्ताको घरमा तोडफोड गरेका थिए ।
पत्रकार महांघको कार्यालय तोडफोड
नेपाल पत्रकार महासंघ पर्सा शाखाको भवनमा पनि
सोमबार साँझ तोडफोड भएको छ । वीरगन्जको
मूर्ली बगैंचामा अवस्थित महासंघको भवनमा सोमबार
साँझ ६ बजे तिर १५-२० जनाको संख्यामा गएका
व्याक्तिहरुले तोडफोड गरेका हुन् ।
तोडफोडबाट भवनको झायालका सबै शिशाहरु फुटेका
छन् । यस्तै उनीहरुले महासंघको साइनबोर्ड झिकेर
आगजनी पनि गरेका छन् ।
तोडफोड गर्नेहरुले भवनकै अगाडि टायर पनि बालेका
थिए ।उनिहरुले महासंघको मुलगेटमा प्रशासनको
चाप्लुसी बन्द गर भनेर लेखेका छन् ।
यसअघि आइतवार पनि आन्दोलनकारीहरुले नारायणी
उपक्षेत्रीय अस्पतालमा घाइतेहरुको समाचार
संकलनका लागि गएका चारजना पत्रकारलाई
गालीगलौज गर्दै हातपात पनि गरेका थिए ।
यसैबीच नेपाल पत्रकार महासंघ पर्सा शाखाका
अध्यक्ष श्याम बन्जराले पत्रकार महासंघको भवन र
कार्यालयमा आक्रमण लोकतन्त्रमाथिकै प्रहार भएको
बताए ।
महासंघमा भएको तोडफोड र आगजनीको घटनाको
भत्र्सना गर्दै उनले महासंघमा आक्रमण गर्नेहरुको
पहिचान हुन नसकेको बताए ।
उनले घटनाको छानबिन गरी दोषीलाई कारबाही
गर्न माग पनि गरे । यसैबीच आन्द्योलनरत संयुक्त
लोकतान्त्रिक मधेसी मोर्चा पर्साले पत्रकार
महासंघको भजनमा भएको तोडफोडको घटनामा
आफनो संलग्नता नरहेको दाबी गरेको छ ।
सोमबार बेलुकी विज्ञप्ति जारी गरेर मोर्चाले
पत्रकार महासंघको भजनमा भएको तोडफोडको
घटनालाई निन्दनीय भनेको छ । उसले घटनामा
संलग्नलाई तत्काल पक्राउ गरी कारबाही गर्न माग
पनि गरेको छ ।source:-annapurna.com