भिडियो हेर्न यहाँ तल क्लिक गर्नुहोस

स्वदेशमा रोजगारीको अधावसँगै दैनिक एक हजार चार
सय १० जना युवा रोजगारीका लागि विदेश जाने
गरेका छन् । आर्थिक वर्ष २०७१-०७२ मा पाँच लाख १२
हजार आठ सय ८७ जना युवा रोजगारीका लागि
विदेशीयका छन् । आव ७०-७१ मा पाँच लाख २८ हजार
दुई सय ३२ जना युवा विदेशीएका थिए । ०७०-७१ को
तुलनामा ०७१-७२ मा विदेशीनेको सख्या २ दशमलव ९०
प्रतिशतले घटेको वैदेशिक रोजगार विभागको
तथ्याङ्कले देखाएको छ ।
रोजगारीका लागि विदेशीएका ५ लाख १२ हजार
आठ सय ८७ मध्ये पुरुष चार लाख ९० हजार आठ सय ५९ र
महिला २२ हजार २८ जना रहेका छन् । जसमा चार
लाख ६२ हजार नौ सय ८८ जना संस्थागत
(म्यानपावर)बाट विदेशीएका छन् । संस्थागत रुपमा
विदेशीने मध्ये पुरुष चार लाख ४५ हजार ६ सय ७७ र
महिला १७ हजार तीन सय ११ रहेको विभागको
तथ्याङ्कमा उल्लेख छ ।
व्यक्तिगत रुपमा १० हजार २७ जना विदेशीएका छन् ।
जसमा पुरुष आठ हजार तीन सय ६८ र महिला आठ सय ३०
जना छन् । यस अघि अवैध रुपमा त्रिभूवन
अन्तर्राष्ट्रिय विमानस्थल वा भारतको बाटो हुँदै
रोजगारीका लागि विदेश गएका र नेपालमा आएर
पुनः सोहि कम्पनीका काम गर्न जाने प्रकृयालाई
वैधानीकिरण भनिन्छ । एक वर्षमा ३९ हजार आठ सय
७२ जना वैधानीकि भएर विदेशीएका छन् । जसमा ३६
हजार ५१ पुरुष र तीन हजार आठ सय २१ महिला रहेका
छन् ।
नेपाली युवाहरुको आकर्षक गन्तव्यको रुपमा
मलेसियालाई लिने गरिन्छ ।
मलेसियामा नेपालीका लागि सुहाउँदो
हावापानी,बढी नेपाली कामदार, फस्टाउँदो
उद्योगधन्दा लगायतका कारण नेपाली कामदार
मलेसियामा जाने गर्दछन् । नेपाली कामदार बढी
अदक्ष र अर्धदक्ष हुने भएकाले पनि मलेसियामा बढी
कामदार जाने गरेको विज्ञहरुको भनाई छ ।
मलेसियामा लेबरको माग बढी हुने गरेका कारण बढी
युवा मलेसिया जाने गरेका हुन ।
सरकारले खुल्ला गरेको एक सय नौ देश मध्ये अधिकाशं
कामदार मलेसिया, साउदी अरेयिबा, कतार यूएई
लगायत देशमा जाने गरेका छन् । सो अवधिमा
मलेसियामा दुई लाख दुई हजार आठ सय २८ युवाले
रोजगारी पाएका छन् । यस्तै कतारमा एक लाख २४
हजार तीन सय ६८, साउदी अरेबिया ९८ हजार दुई सय
४६, संयुक्त अरब ईमिरेट्स (यूएई) ५३ हजार ६ सय ९९, कुवेत
नौ सय ६ सय ६८, दक्षिण कोरिया पाँच हजार एक सय
५८ र बहराईनमा चार हजार एक सय ६५ जना रहेका छन्
।
सरकारले २१ असारदेखि फ्रि भिषा, फ्रि टिकटमा
कामदार पठाउने निर्णय गरेसँगै असार महिनामा
विदेशीनेको सख्या अनपेक्षित रुपमा घटेको छ ।
सरकारले लागु गरेको उक्त निर्णयको विरोधमा
उत्रेका व्यवसायीहरुले कामदार विदेशमा नपठाए पछि
२६ हजार ६ सय युवा मात्र रोजगारीका लागि
विदेशीएका छन् । अघिल्लो आवको सोहि अवधिमा
६१ हजार सात सय १७ जना विदेशीएका थिए ।
यस वर्ष असारमा अघिल्लो वर्षको सोहि अवधिको
तुलनामा ५६ दशलमव ९० प्रतिशतले घटेको छ । आव
०७१÷७२ मा सबैभन्दा बढी मंसिर महिनामा ५३ हजार
तीन सय ५४ जना विदेशीएका थिए भने सबै भन्दा कम
असारमा २६ हजार ६ सय विदेशीएका छन् ।
व्यवसायीहरुले आन्दोलन नगरेको भए अघिल्लो वर्षका
तुलनामा यस वर्ष विदेशीने कामदारको सख्या बढने
विभाग स्रोतको आँकलन छ ।