शीर्षक पढ्दैमा अचम्ममा पर्नुभयो होइन ? पत्यार
लागेन होला । तर नपत्याउनुपर्ने कुनै कारण छैन ।
किनकी मानिसलाई जस्तै अब परेवाका लागि पनि
बजारमा गर्भनिरोधक चक्की आएको छ ।
हाम्रै देशमा कुकुर तथा मुसाको बन्ध्याकरणको
बारेमा त हामीले सुनैकै हौँ । अब परेवाको पनि
परिवार नियोजनका लागि अस्थायी साधनको
प्रयोग सुरु भएछ भन्ने ठान्नुहोला । मन्दिर तथा घरतिर
झुम्मिने परेवाको संख्या अब घट्नेभयो भन्ने
सोँच्नुभएको होला । तर ढुक्क हुनुहोस् परेवाका लागि
गर्भनिरोधक चक्कीको प्रयोग हाम्रो देशमा होइन,
स्पेनमा सुरु भएको छ ।
स्पेनको बार्सिलोनस्थित बाडियाडेल भेलिस
इलाकामा मानिसहरुले परेवाको संख्या नियन्त्रणगर्ने
भन्दै तिव्रताका साथ परेवालाई गर्भनिरोधक चक्की
खुवाइरहेका छन् ।
बार्सिलोना क्षेत्रमा पछिल्लो समयमा परेवाको
संख्या निकै बढ्दा व्यवस्थापनमा समस्या हुनुका साथै
सरसफाइमा पनि चुनौति थपिएको छ । परेवाले
फोहोर गर्दा त्यहाँका भवन तथा सांस्कृतिक
धरोहरमा पनि नोक्सान पुगेको बताइएको छ ।
साथै परेवाकै कारण त्यहाँ हवाइजहाज उडान तथा
अवतरणमा पनि कहिलेकाहीँ समस्या उत्पन्न हुने गरेको
छ । सोही कुरालाई ध्यानमा राखी परेवाको
संख्या नियन्त्रण गर्ने भन्दै त्यहाँको स्थानीय
सरकारकै सहयोगमा परेवालाई विशेष गर्भनिरोधक
चक्की खुवाइएको हो । परेवालाई मकैको चारोमा
मिसाएर गर्भनिरोधक औषधि खुवाइने गरिएको छ ।
ओभिस्टप नामको गर्भनिरोधक चक्की १० ग्राम
खुवाएपछि पोथी परेवाले अण्डा कोरल्न असमर्थ हुन्छ
।
अधिकारीहरुले परेवा बढि हुने क्षेत्रमा हरेक दिन ३
वटा अटोम्याटिक डिस्पेन्सरको सहायताले
गर्भनिरोधक औषधि चारोसँगै छर्ने गर्छन् ।
परेवालाई गर्भनिरोधक औषधि खुवाउने यो तरिका
निकै प्रभावकारी हुने र सन् २०२० सम्ममा स्पेनमा
परेवाको संख्या ८० प्रतिशतले घट्ने बताइएको छ ।
सामान्य प्रजनन क्रियाद्वारा एक जोडी परेवाले एक
वर्षमा ४८ वटासम्म चल्ला पार्नसक्छ । यो दरमा
प्रजनन हुँदा छोटै समयमा परेवाको संख्या विस्फोटक
तरिकाले बढ्दछ ।
शान्तिको प्रतिक परेवाको परिवार नियोजन गर्ने
यो काइदा तपाइँलाई कस्तो लाग्यो ?
0 comments:
Post a Comment