भिडियो हेर्न यहाँ तल क्लिक गर्नुहोस
 |
पूर्व युवराज पारस साह केही वर्षको स्वनिर्वासन
पछि स्वदेश फर्किएका छन् । विहीबार उनी स्वदेश
फर्किँदा उनका शुभचिन्तकले विमानस्थलमा नै
नारावाजी गर्दै स्वागत गरे । पारसका शुभचिन्तकले त
पारस सरकार जिन्दावाद, राजा आउ देश बचाउ भन्ने
जस्ता नारा लगाए । पारस साह फर्किँदा
विमानस्थल नै अवरुद्ध हुनेगरी भिडभाडमा
राजपरिवारका सदस्य भने कोही पनि देखिएन । पूर्व
राजारानी त आफ्नो छोरो लिन गएनन् नै पारसकै
पत्नि पनि विमानस्थल पुगिनन् ।
पारस साह विमानस्थलबाट आफ्ना मान्छेहरुसँग
निस्किएर निर्मल निवास गए । उनलाई स्वागत गर्न
विमानस्थल नगएकी उनकी पत्नि हिमानी
विमानस्थल नगएपनि निर्मल निवासमा पतिलाई
स्वागत गरेकी छिन् । पारससँग सल्लाह भएकै कारण
उनी विमानस्थल नगएको श्रोतले बताएको छ ।
दरवारमा उनीहरुको सम्बन्ध सुधारका लागि पनि
प्रयास भैरहेको बताइएको छ ।
बदनामी र सम्बन्धको समस्या
पारस साह आउँदा राजदरवारमा खासै उत्साह
नदेखिएको दरवार निकट श्रोतहरुले बताएका छन् ।
थाइल्याण्डमा पटक पटक पक्राउ पर्दै जेल परेका पारसले
ठूलो धनराशी तिरेर मात्र जेलमुक्त भएका थिए ।
पारस साहलाई नेपाल ल्याउन दरवारले ठूलो आर्थिक
खर्च गर्नु त पर्यो नै पारसकै कारण दरवार बढी बदनाम
भएका कारण पनि कुनै पनि सदस्य उत्साहित भएर
विमानस्थल पुगेनन् । दरवारले पारसका कारण बदनामी
कमाउनु परेको र सम्बन्धको विषयमा समेत सार्वजनिक
भएका कारण पनि तनावपूर्ण वातावरण रहेको
बताइन्छ । पूर्व राजा ज्ञानेन्द्रले छोरा पारसकै
कारण राजतन्त्र फर्किने सम्भावना टर्दै गएको
विश्लेषणमा रहेको बताइन्छ । नेपालमा राजनीतिक
अस्थिरता भएपनि पारसका गतिविधीका कारण
राजतन्त्रप्रति हुनु पर्ने आस्था बढ्न नसकेको भन्दै उनी
पारसप्रति आक्रोशित छन् ।
पारसकी प्रेमिकाको त्रास
पत्नि हिमानीसँग लामो समय देखि छुट्टै बसेका र
परिवारसका कसैसँग पनि राम्रो सम्बन्धमा नरहेका
पारसले थाइल्याण्डमा बस्दा त्यहाँ कनिका नामकी
एक प्रेमिका बनाएको विषय पुरानो भैसकेको छ ।
दरवारले समेत पारसको प्रेमलाई स्वीकार गरिसकेको
समेत बताइन्छ । पारस साह नेपाल आउने कि नआउने आए
एक्लै आउने कि प्रेमिका लिएर आउने भन्ने अनुमान र
अडकलबाजी लामो समय देखि चलिरहेको थियो ।
तर पारस विहीबार काठमाडौं ओर्लिँदा एक्लै आए ।
पछिल्लो समयमा दरवार भित्र पारसलाई
प्रेमिकाबाट छुटाउने र हिमानीसँगको सम्बन्ध सुधार
गर्नका लागि पहल भैरहेको श्रोत बताउँछ । पारस पनि
आफू थाइल्याण्डमा असुरक्षित भएका कारण नेपाल
आउनका लागि जस्तो सुकै शर्त मान्ने अवस्थामा समेत
पुगेको श्रोतको दावी छ ।
भिडियो हेर्न यहाँ तल क्लिक गर्नुहोस
|
|
0 comments:
Post a Comment