भिडियो हेर्न यहाँ तल क्लिक गर्नुहोस
 |
यसै साता नेपाली कथानक चलचित्र ‘कोहिनूर’पाईरेसी भएको छ । यो वर्षकै सफल
चलचित्र ‘ कोहिनूर’ स्वर्गिय श्रीकृष्ण
श्रेष्ठको अन्तिम चलचित्र हो । । यो चलचित्र युटुव
मार्फत पाईरेसी गरिएको हो । निर्माण
कम्पनी नेपा मुभिजको उजुरीपछि अर्कै नामबाट
अपलोड गरिएको ‘कोहिनूर’लाई मंगलबार साइटबाट
हटाइएको वुधबार राजधानीमा पत्रकार सममेलन गदैं
नेपा मुभिजले जानकारी दिएको छ ।
चलचित्रका निर्माता चन्द्र प्रसाद श्रेष्ठले
‘कोहिनूर’ पाइरेसीप्रति दुःख व्यक्त गर्दै भने– ‘स्व.
श्रीकृष्णको फिल्मलाई सबैले हेरुन् भन्ने
हाम्रो चाहना हो । जतिले हेर्नुभयो उहाँहरुलाई
धन्यावाद । तर आफुसँग भएको फिल्मलाई
पुनः अपलोड नगर्न अनुरोध गर्दछु ।’ निर्माता श्रेष्ठले
पाइरेसी गर्नेलाई कानुन बमोजिम
कारबाहिको माग गरिने समेत बताए । उनले
पाइरेसी गर्ने को हो ? पत्ता लगाउने
प्रक्रिया भैरहेका बताएका छन् ।
निर्देशक आकाश अधिकारीले भने कुनै
पनि चलचित्रको पाइरेसी हुनु
सिङ्गो नेपाली चलचित्र
क्षेत्रका लागि घाटा रहेको बताए । स्व.श्रीकृष्ण
श्रेष्ठको अन्तिम चलचित्र भएका कारण ‘कोहिनूर’
को विश्वभर रहेका नेपाली माझ चासो छ ।
यो फिल्मको विश्वका करिब एक दर्जन
मुलुकमा पहिलो चरणको प्रदर्शन पश्चात्
दोश्रो चरणको प्रदर्शनको क्रममा छ ।
स्व.श्रीकृष्ण र
पत्नी अभिनेत्री श्वेता खड्काको मुख्य
भूमिका रहेको ‘कोहिनूर’ ले नेपालमा अत्याधिक
दर्शकको मन जित्न सफल भएको थियो भने व्यापार
पनि ऐतिहासिक गरेको थियो । चलचित्रले
नेपालमा मात्र करिब ११ करोडको व्यापार
गरेको थियो । यति बेला कोहिनूर
विदेशका विभिन्न ठाँउहरुमा प्रदर्शन भईरहेको छ ।
भिडियो हेर्न यहाँ तल क्लिक गर्नुहोस
|
|
0 comments:
Post a Comment