भिडियो हेर्न यहाँ तल क्लिक गर्नुहोस
 |
काठमाण्डु, १८ पुस भारत उत्तर प्रदेशको बदाउ
जिल्लामा प्रहरीले नै एक किशोरीको अपहरण
गरी बलात्कार गरेका छन् ।
मुसाझग प्रहरी चौकीमा कार्यरत दुई प्रहरीले
नयाँ वर्ष सन् २०१५ को अघिल्लो दिन एक १४
वर्षीया किशोरीको अपहरण गरी बलात्कार
गरेका हुन् ।
कामका लागि घरबाट
निस्किएकी ती किशोरीलाई प्रहरीले
बाटोमा हिंड्दै गर्दा उठाएर गाडीमा हालेका थिए
। साँझ पख अपहरणमा परेकी किशोरीलाई
मध्यरातसम्म बलात्कार गरी प्रहरीले
गाउँको बीचमा ल्याएर छाडिदिएका थिए ।
घटनाको भोलिपल्ट पीडित
किशोरीकी आमा छोरी बलात्कार गर्ने
प्रहरीविरुद्ध उजुरी दिन चौकी पुगेकी थिइन् ।
तर प्रहरी चौकीका इन्चार्जले उजुरी लिन
नमानेपछि पीडित परिवारले मिडियामार्फत उक्त
कुरा बाहिर ल्याएको हो ।
सञ्चार माध्यमबाट घटना बाहिर आएपछि उत्तर
प्रदेशका मुख्यमन्त्री अखिलेश यादवले घटनामा संलग्न
प्रहरीलाई निलम्बन गरी कडा कारबाही गर्न सम्वद्ध
अधिकारीहरुलाई निर्देशन दिएका छन् ।
यसैबीच घटनामा संलग्न प्रहरीहरु भीरपालसिंह यादव
र अवानिश यादवलाई प्रहरीले
नियन्त्रणमा लिएको छ।
भिडियो हेर्न यहाँ तल क्लिक गर्नुहोस
|
|
0 comments:
Post a Comment