भिडियो हेर्न यहाँ तल क्लिक गर्नुहोस

खाडी मुलुक साउदी अरबमा रोजगारीका लागि पुगेका नेपाली युवा कम्पनी भित्रै
आन्दोलन गर्न बाध्य भएका छन् ।
साउदीको हाप्को कम्पनीमा कार्यरत युवाहरु आन्दोलित बनेका हुन् ।
लामो समय सम्म काम गरेर पनि कम्पनीले तलब
नदिएपछि कम्पनी प्रशासन समक्ष
कुरा राख्दा नेपाली राहदानी सहित अकमा आइडी (आन्तरिक
परिचयपत्र) समेत जफत गरिदिएपछि उनीहरुलाई बन्धक बनाइएको हो ।
अहिले कम्पनीमा कार्यरत झण्डै तीन सय नेपाली युवाहरुलाई कम्पनीले
एकै ठाउँमा राखेर बाहिर निस्किन समेत नदिएको साउदीबाट
फोनमार्फत गोपाल पुर्जाले जानकारी दिए ।
म्याग्दीको दोबा घर भएका पुर्जा लगायत बागलुङ पर्वत सँगै
नेपालका अन्य जिल्लाका झण्डै ३ सय युवाहरु अहिले
विलखबन्दमा परेका छन् । साउदी अरव स्थित नेपाली राजदुताबास
सँग समस्या जानकारी गराएपनि आउँछु भन्दै टार्दै
गरेको गुनासो पुर्जाले गरे ।
एक पटक कम्पनीमा आएर सामान्य सोधपुछ गरेको तत्पश्चात्
हाम्रो अनुरोध लाई सुनुवाई नगरेको उनले बताए । उनी २९
महिना अघि बैदेशिक रोजगारको शिलशिलामा त्यहाँ पुगेका हुन् ।
उनी सँगै ३ बर्ष अघि साउदी पुगेका युवाहरु समेत सँगै रहेका छन् ।
पारिश्रमिक माग्दा नदिएपछि आफुहरुलाई जन्मभूमि फर्काइदिन
आग्रह गर्दा समेत कम्पनीले बेवास्ता गरेको र राजदुताबासले समेत
सुनुवाई नगरेको भन्दै सहयोग गरिदिन सरोकारवाला निकाय समक्ष
आग्रह गरेका छन् ।