न्यूयोर्क–एप्पल प्रमुख टिम कुकले आफ्नो मृत्यु हुनुभन्दा
पहिला आफ्नो अधिकांश सम्पत्ति दानगर्ने घोषणा
गरेका छन्। ...फर्च्यून' पत्रिकालाई दिएको एक
अन्तरवार्तामा कुकले दश वर्षको आफ्नो भतिजोको
कलेज खर्च निकालेर बाँकी सबै सम्पत्ति दान गर्ने
बताएका हुन्।
विश्वको सबैभन्दा धेरै नाफा गर्ने कम्पनी प्रमुख कुकसँग
८० करोड डलर भन्दा बढी सम्पत्ति रहेको छ। सो
घोषणापछि कुक ती धनीको सुचिमा समावेश भएका
छन्, जसले आफ्नो सम्पत्ति दान गरेका छन्। यो
सुचिमा फेसबुकका संस्थापक मार्क जुकेरबर्गपनि
समावेश छन्।पाँच वर्ष पहिला अर्बपति वारेन बफेट र
माइक्रोसफ्टका संस्थापक बिल गेट्सले 'द गिविंग
प्लेज' नामको अभियानको सुरुवात गरेका थिए। सो
अभियानको उद्देश्य विश्वका धनी मानिसको
आफ्नो सम्पत्तिको कम्पतिमा पनि आधा भाग दिन
तयार पार्नु परेको छ।
जुकेरबर्ग र अन्य सयभन्दा बढी धनी मानिसले आफ्नो
सम्पत्ति दान गर्न 'नैतिक प्रतिबद्धता' हस्ताक्षर
गरिसकेका छन्। फेब्रुअवरी २०१४ मा कुकको तलबमा ४३
प्रतिशतले बढेको थियो र यो अहिले बढेर ९२ लाख
डलर प्रतिवर्ष पुगेको छ।'फर्च्युन' पत्रिकाका अनुसार
कुकसँग करिब १२ करोड डलर मुल्यबराबरको एप्पलको
शेयर र ६६ दशमलव ५ करोड अन्य शेयर रहेको छ।
0 comments:
Post a Comment