भिडियो हेर्न यहाँ तल क्लिक गर्नुहोस

बोस्टन (अमेरिका), चैत २ आइतबार अपेक्षाविपरित झण्डै ३ इन्च हिउँ परेपछि अमेरिकाको बोस्टनमा अहिलेसम्मकै उच्च रेकर्ड
कायम भएको छ। विगत ६८ वर्षयता उच्च
हिमपातका पाँच रेकर्डमध्ये यो वर्ष अधिकतम हिउँ
परेको हो।
हल्का वर्षा र हिउँ पर्ने अनुमान गरिए पनि आइतबार
साँझ २ दशमलव ९ इन्च हिउँ परेको छ। सेभेन न्यूज बोस्टन
च्यानलले जनाएअनुसार योसँगै यसपटकको हिउँदमा १
सय ८ दशमलव ६ इन्च हिमपातको रेकर्ड बनेको हो।
यसअघि सन् १९९५/९६ को हिउँदमा १ सय ७ दशमलव ६
हिमपातको उच्च रेकर्ड थियो। यस्तै उच्च
हिमपातको तेस्रो रेकर्डमा १९९३/९४ मा ९६ दशमलव ३
इन्च उल्लेखित छ। सन् १९४७/४८ मा ८९ दशमलव २ र सन्
२००४/०५ मा ८६ दशमलव ६ इन्च हिउँ परेको थियो।
उक्त समाचार संस्थाले अहिलेसम्मकै उच्च हिमपात
सामना गर्न सक्षम भएकोमा बोस्टनबासीलाई बधाई
दिँदै नयाँ रेकर्डको सन्देश बाँडेको छ।
बोस्टनमा दुई महिनायता लगातार माइनस
डिग्री सेल्सियसको तापक्रमका कारण कठ्याङि्ग्रने
जाडो हटेर गत साता मात्र
केही न्यायो भएको थियो। आइतबारको थप
हिमपातपछि यो साताका केही दिन
फेरि बोस्टनबासीले जाडो झेल्नुपर्ने भएको छ।
बोस्टनले यसै सिजनमा दुईपटक ब्लिजर्ड (लामो समय
हिउँसहितको आँधी) समेत सामना गरेर अर्काे रेकर्ड
राखेको थियो। २० वर्षयताकै
ठूलो हिमआँधीका कारण
यो सिजनमा यहाँका व्यापार, व्यवसाय, बस
तथा रेल र हवाई सेवा कैयन् दिन ठप्प भएका थिए।
जनवरी अन्तिम साता ‘जुनो' नामको हिमआँधीले
केही दिन जनजीवन ठप्प पार्नुका साथै
कैयौं घरमा पानी र बिजुली आपूर्ति समेत अवरुद्ध
गरेको थियो।
फोटोः बोस्टनमा अहिलेसम्मका पाँच उच्च हिमपात
रेकर्डको तस्विर। स्रोतः सेभेन न्यूज बोस्टन