भिडियो हेर्न यहाँ तल क्लिक गर्नुहोस

भाद्र १२,लन्डन
लन्डनमा अध्ययनरत एक नेपाली विद्यार्थीले
एसोसिएसन अफ चार्टर्ड सर्टिफाइड अकाउन्टेन्ट्स
(एसीसीए) परीक्षामा विश्वमै उत्कृष्ट अंक ल्याएर
प्रथम स्थान हासिल गरेकी छिन् ।चितवन लंकु ६
स्थायी निवासी सिर्जना भण्डारी गौतमले गत
जुनमा भएको
एसीसीए पि वान -प्रोफेशनल लेभल) परीक्षामा
विश्वभरका २१ हजार ३ सय ७ जना परीक्षार्थीलाई
उछिन्दै ८९ स्कोरसहित प्रथम स्थान हासिल गरेकी हुन्
।
‘नतिजासहित एसीसीएको इमेल आउंदा त म शुरुमा
आश्चर्यचकित भएं’, कान्तिपुरसंग खुशी बांड्दै उनले
भनिन्, ‘मेरो सफलताका पछाडि लगाव र मिहेनत नै
हो । अनि परिवारको प्रेरणा र साथ ।’Capture
नेपाल छंदा नै उनी पढाइमा अब्बल थिइन् । अर्किड
कलेज चितवनबाट ए लेभल उत्तिर्ण भए लगत्तै सन् २०१०
सेप्टेम्बरमा यूके आएकी सिर्जनाले लन्डन मेट्रोपोलिटन
युनिभर्सिटीबाट म्याथ एण्ड अकाउन्टिङमा
ब्याचलर्स डिग्री गरेर एसीसीए पढ्न थालेकी थिइन् ।
‘लन्डन आउने बित्तिकै शुरुतिर अलमल भयो’, उनले विगत
सुनाइन्, ‘पढाउने तरिका फरक अनि यहांको संस्कृति र
रहनसहन पनि । पछि विस्तारै एडजस्ट भएं ।’
हाल लन्डनस्थित एउटा व्यवस्थापन कम्पनी ‘एम एण्ड
जी’ की जागिरे उनी लन्डनमा जागिर अनि पढाइ
एकसाथ लैजान सजिलो भने नभएको अनुभव सुनाउंछिन् ।
बाबा रामराज भण्डारी र आमा ताराकी सुपुत्री
२५ वर्षीया सिर्जनाले भविष्यमा अकाउन्टिङमै
करिअर बनाउने लक्ष्य लिएकी छिन् । उनलाई
श्रीमान् विशाल गौतमको पनि साथ छ ।