रुपन्देही– रुपन्देहीको भैरहवा–लुम्बिनी सडक खण्ड अन्र्तगत बेथरीमा प्रदर्शनकारी र प्रहरीबीच गत साउन २९ गते भएको झडपका क्रममा प्रहरीले गोली चलाउँदा घाइते भएका थप एक सर्वसाधारणको आज बिहान मृत्यु भएको छ ।
बेथरीस्थित स्थानीय गोनाहा–६ का नन्दनी पाण्डेको उपचारको क्रममा आज बिहान युनिभर्सल कलेज अफ मेडिक साइन्स भैरहवामा मृत्यु भएको हो ।
घाइते पाण्डेलाई मेडिकल कलेजबाट थप उपचारको लागि भारतको लखनहुँ लगिएको तर फेरि अवस्था निकै गम्भीर भएपछि लखनहुँको अस्पतालले युनिभर्सल कलेज अफ मेडिक साइन्समै पठाइदिएको थियो ।
यो सँगै मृततको संख्या ५ पुगेको छ ।
यसअघि गोनहा गाविस वडा नं. ६ बेथरी बस्ने अन्दाजी बर्ष ४० का बिन्दु लाकौल, सोही ठाउ बस्ने अन्दाजी बर्ष ४० का राजकुमार बरई, सोही ठाउ बस्ने अन्दाजी बर्ष १० की रञ्जना सिंह क्षेत्री र ४ बर्षिय बालक कन्दन पटेलको मृत्यु भएको थियो ।
Source:-Ratopati
0 comments:
Post a Comment