काठमाडौं, भदौ २२ । सामान्य प्रशासन मन्त्री
लालबावु पण्डितले इमान्दार भएर मुलुक निर्माणमा
लाग्न आग्रह गरेका छन् ।
राजधानीमा आयोजित कार्यक्रममा उनले नेपालीहरु
आफ्नो कामप्रति लगनशील र इमान्दार नभएको बताए
।
मन्त्री पण्डितले दण्डहीनताको अन्त्य गरी
अपराधीलाई ठीक लगाएपछि मात्र मुलुक अगाडि
बढ्ने भन्दै राजनीति गर्ने व्यक्तिले डिभी, पिआर लिन
नपाउने व्यवस्था गर्न आफू लागेकाले त्यसमा साथ दिन
आग्रह पनि गरे ।
केही व्यक्ति स्वदेशमा बसौं की विदेश भागौं भन्ने
दोधारमा रहेकाले भाग्न खोज्नेहरुलाई ‘बाइबाइ’
गर्नुको विकल्प नभएको पण्डितको तर्क छ ।
मन्त्री पण्डितले कटाक्ष गर्दै शरीर नेपालमा नहुनेहरुले
नेपालको नागरिकता लिएर मात्र केही गर्न नसक्ने
भन्दै भाग्नेहरु भागेपछि नेपालमा रहनेहरुले मुुलुक
निर्माणमा लाग्नुपर्ने बताए ।
मन्त्री पण्डितले अहिले केही शक्ति जातजाति र
पहिचानका नाममा संविधान बन्न नदिने षड्यन्त्रमा
लागेको आरोप लगाए ।
उनले नेपाल र नेपालीको पहिचान वीर गोर्खाली र
गौतम बुद्धले दिइसकेको बताए । कार्यक्रममा विभिन्न
क्षेत्रमा योगदान पुर्याउने विद्यार्थी सम्मानित भए
।
0 comments:
Post a Comment