काठमाण्डु, १२ कात्तिक– नयाँ संविधान जारी भएसँगै
एकीकृत माओवादी परित्याग गरी नयाँ शक्ति
निर्माणको कसरतमा जुटेका पूर्वप्रधानमन्त्री बाबुराम
भट्टराईले व्यक्तिगत जीवन यापनका निम्ति श्रीमती
हिसिला यमी र आफू दुवैले विश्वविद्यालयमा
प्राध्यापन गर्ने बताएका छन् ।
बीबीसी नेपाली सेवाको नेपाल सन्दर्भ कार्यक्रमका
लागि बुधबार राति रवीन्द्र मिश्रसँग कुरा गर्दै उनले
विश्वविद्यालय मा पढाउने वा ‘साथीभाइ’ का
कन्सल्टेन्सीमा केही समय काम गर्ने बताएका हुन् ।
आफू र श्रमती यमी दुवै ‘आर्किटेक्ट प्लानर’ भएकाले आफ्नो
पेट पाल्न समस्या नरहेको उनको भनाइ थियो ।
‘म आफैं र हिसिला यमी दुवैजना आर्किटेक्ट प्लानर हौं ।
हामीले यवसाय गरेर नै आफ्नो नीवन सम्माननजनक ढंगले
पाल्न सक्छौं’, भट्टराईले भने, ‘विभिन्न साथहीभाइका
कन्सल्ट्यान्सीहरु छन् । केही निश्चित समय त्यसमा काम
गर्ने । अथवा कलेज वा युनिभर्सिटीमा प्राध्यापन गर्न
हिसिला जीले पनि सक्नुहुन्छ मैले पनि सक्छु ।’
भट्टराईले पारिवारिक खर्चका लागि छोरी मानुषीले
गाउँमा बाख्रा पालनको तयारी गरिरहेको समेत बताए
।
आफ्नो पेट पाल्न श्रमबाट आर्जन गरे पनि अफिस सञ्चालन
र लजिस्टिकका लागि भने खुला र पारदर्शी ढंगले
सहयोग लिने र प्रविधिको उपयोगमार्फत त्यसलाई
सार्वजनिक गर्ने बताए ।
उनले आफू आम्दानी र खर्च पारदर्शी हुनुपर्ने विचार राख्ने
व्यक्ति भए पनि विगतमा त्यसो गर्न नसकेको स्वीकार
गरे ।
नयाँ शक्ति निर्माणको प्रक्रियासँगै पारदर्शीतालाई
जोड दिने उनको भनाइ छ । ‘विगतमा पार्टी,
साथीभाई र शुभचिन्तकहरुबाट सहयोग हुँदै आएको हो ।
तर ती सबै हामीले सार्वजनिक गर्ने गरेका थिएनौं’,
भट्टराईले भने, ‘नयाँ शक्ति निर्माण गर्ने अभियानसँगै ती
सबै कुरा सार्वजनिक गर्छौं ।’
भट्टराईले पहिलोचोटि गोखरामा निर्वाचन लड्दा ६
लाख खर्च भएको तर दोश्रो पटकको खर्च आफैंलाई थाहा
नभएको भन्दै निर्वाचन आयोगमा बुझाएको विवरण झुठो
भएको समेत स्वीकार गरे ।
0 comments:
Post a Comment