१७ कात्तिक, काठमाण्डौ । भारतीय सर्वोच्च अदालतका
पूर्व न्यायाधीश मार्कण्डेय कट जूले भारतले नेपालमाथि
लगाएको नाकाबन्दीलाई दुर्भाग्यपूर्ण भन्दै त्यसको सिधा
सम्बन्ध बिहारको चुनावसँग भएको बताएका छन् ।
प्रष्टवक्ता स्वभावका पूर्व न्यायाधीश कटजुले भने-
सीमानाकामा आन्दोलन गरिरहेका मधेसीहरुलाई हटाएर
भारतले केही घण्टामै नाकाबन्दी खुलाउन सक्छ, तर, त्यसपछि
बिहारमा आएर भोट हाल्ने नेपालका मधेसी मतदाताले के
गर्लान ?
द स्टेटम्यान अनलाइन का अनुसार उनले नोभेम्बर ८ तारिखको
बिहार चुनाव सम्पन्न भएपछि भारतले सीमा नाका खोल्न
सक्ने सम्भावना रहेको बताएका छन् ।
पूर्व न्यायाधीश कटजु भन्छन-‘एउटा सानो भुपेरिवेष्ठित
मुलुक जो भारतसँगको आयातमा निर्भर छ, उसमाथि भारतले अहिले गरिरहेको ब्यबहार दुर्भाग्यपूर्ण छ । हाम्रो सरकारले मूर्खतापूर्ण तरिकाले
दुई महिनादेखि नाकाबन्दी लगाएर नेपाली जनतालाई दुःख दिइरहेको छ ।’
भारतले अहिलेसम्म आन्दोलनरत मधेसीकै कारण सीमा नाका बन्द भएको र आफुले नाकाबन्दी नगरेको दावी गरिरहे पनि यसको सीधा सम्बन्ध
बिहार चुनावसँग रहेको उनले बताएका छन् । बिहारको चुनाव मोदीको पार्टी भारतीय जनता पार्टीका लागि जीवन मरणको अबस्था
बनेका कारण नेपालको मधेस र बिहार दुवैतिर बस्ने भोटरलाई आर्कषिर्त गर्न नाकाबन्दीको मूर्खता गरिएको उनको दावी छ ।
पूर्व न्यायाधीश भन्छन्-भोटकै लागि नेपाली जनतालाई दुई महिनासम्म दुःख दिनुबाट प्रष्ट हुन्छ, यी राजनीतिज्ञ जसरी पनि भोट आर्जन
गर्न चाहान्छन् ।’ अनलाइन खबर बाट साभार ।
0 comments:
Post a Comment