काठमाडौं। एकीकृत नेकपा माओवादी नेता
डा.बाबुराम भट्टराईले मुलुकमा आन्दोलनकोमात्र
नभएर युद्धकै खतरा रहेको चेतावनी दिएका छन् ।
आईतबार संविधानसभा अध्यक्ष सुवासचन्द्र
नेम्वाङसँगको भेटवार्तापछि भट्टराईले आन्दोलन बढ्दै
गएर युद्ध हुन सक्ने बताएका हुन् ।
सिंहदरबारमा करिब आधा घन्टाको भेटपछि भट्टराईले
दलहरुबीच चरम अविश्वाश रहेको र अविश्वाश घटाउने
बारेमा सभाध्यक्ष नेम्वाङको धारणा सुन्न भेटेको
बताए ।
अब हुने आन्दोलन निकै चर्को हुने दावी गर्दै भट्टराईलले
आन्दोलन बढ्दै गएर युद्ध समेत हुनसक्ने चेतावनी दिए ।
उनले प्रक्रियाबाट भन्दा सहमतिबाट चाँडो
संविधान बन्ने दावी गर्दै प्रक्रियाबाट चाँडै
संविधान बन्न नसक्ने ठोकुवा गरे ।
भेटपछि संबिधानसभाका अध्यक्ष सुवासचन्द्र नेम्वाङले
११ गते देखि मुलुक मुडभेडको अबस्थामा जान सक्ने संकेत
पाएको बताए । उनले तत्काल सहमति हुन दलहरुबीच
वार्ता र संवाद तत्काल सुरु हुनुपर्ने समेत उल्लेख गरे ।
नेम्वाङले सहमतिको बातावरण बनाउन आफू
क्रियाशील भएको पनि दावी गरे ।
0 comments:
Post a Comment