भिडियो हेर्न यहाँ तल क्लिक गर्नुहोस
 |
वि.सं.२०७१ साल चैत २५ गते। बुधबार। इश्वी सन्
२०१५ अप्रिल ८ तारिख.....
मेष - चु, चे, चो, ला, लि, लु, ले, लो, अ
(Aries)
कामका लागि
गरिएको भ्रमणमा समय
मात्र बित्नेछ। समस्या
थपिन सक्छन्।
सानातिना काम र घरेलु
समस्यामै अल्झनुपर्ने देखिन्छ। स्वास्थ्यगत
समस्याले पनि सताउने देखिन्छ। उपचारमा
खर्च हुने योग छ। विद्यामा कमजोरी र
लेनदेनमा विवाद होला। व्यावसायिक
काममा पनि विभिन्न समस्या आउन
सक्छन्। इष्टदेवको पूजा–उपासना गर्नाले
तपाईंलाई फाइदा हुनेछ।
बृष - इ, उ, ए, ओ, बा, बि, बु, बे, बो
(Taurus)
व्यापार–व्यवसायमा
विशेष लाभ हुनेछ।
व्यावसायिक यात्रा
सम्भावना छ।
मानसम्मान पनि
पाइनेछ। दाम्पत्य सम्बन्धमा रमाउने समय
छ। प्रेमको बन्धन कसिने बेला छ। दिन
मनोरञ्जनपूर्ण रहनेछ। नयाँ ज्ञान सिक्ने
मौका छ। आम्दानी प्रशस्तै बढ्नेछ। नयाँ
सवारी साधन प्राप्तिको योग छ।
आतिथ्यपूर्ण सम्मान पाइएला।
पठनपाठनमा पनि राम्रै प्रगति हुनेछ।
मिथुन - का, कि, कु, घ, ङ, छ, के, को, ह
(Gemini)
टाढाको यात्रा
व्यवस्थापनमा पनि खर्च
बढ्नेछ। केही चुनौतीहरू
देखिनेछन्। अप्ठ्यारा
परिस्थिति पनि
सामना गर्नुपर्ला। गरी आएका काम र
व्यापार–व्यवसायमा सामान्य फाइदा
हुनेछ। अधिकार सुरक्षा गर्न जुट्नुपर्नेछ।
शोख पूरा गर्नमा खर्च हुनेछ। तापनि,
मौकाको फाइदा लिन सकिनेछ। शत्रु र
रोगबाट छुटकारा मिल्नेछ। मुद्दा–
मामिलामा विजयी भइएला।
कर्कट - हि, हु, हे, हो, डा, डि, डु, डे, डो
(Cancer)
आफ्नो प्रतिभा अरूलाई
देखाउन सकिनेछ।
गुरुजनको विशेष सहयोग
जुट्नेछ। प्रयत्न गरेका
काम ढिलै भए पनि
सम्पादन हुनेछन्। र, उपलब्धि राम्रै पाइनेछ।
पढाइलेखाइमा प्रगति हुनेछ। बौद्धिक
कार्यबाट धनलाभ हुनेछ। पेटको खराबीले
स्वास्थ्य भने कमजोर रहला।
व्यावसायिक काम बीचमा अवरुद्ध बन्न
सक्छ। सन्तानका माध्यमबाट काम बन्ने
देखिन्छ।
सिंह - मा, मि, मु, मे, मो, टा, टि, टु, टे
(Leo)
मान्यजनसँग असमझदारी
बढ्न सक्छ। विगतका
निर्णयले काममा
चुनौती आउने देखिन्छ।
मान्यजनको सुझाव
अप्रिय लाग्नेछ। महत्वाकांक्षी योजना
गोप्य राखेर अघि बढ्दा फाइदा हुनेछ।
काममा परिवारजनको सहयोग जुटाउन
सक्दा फाइदा होला।
विश्वासपात्रबाट धोका पाइने समय छ,
सचेत रहनुहोला। पशुधन र जमिनबाट
सामान्य लाभ मिल्नेछ।
कन्या - टो, प, पि, पु, ष, ण, ठ, पे, पो
(Virgo)
नयाँ काम सुरु गर्ने समय
छ। मनग्ये धनलाभ हुनेछ।
साथीभाइले पनि राम्रै
सहयोग जुटाउनेछन्।
विशेषगरी नयाँ उद्योग
वा रचनात्मक काममा जुट्ने समय छ।
परिश्रमअनुसार उपलब्धि पनि राम्रै
पाइएला। रोकिएका काम पुन: सुरु हुन
सक्छन्। कृषिक्षेत्रमा भने अलि बढी
परिश्रम र लगानी गर्नुपर्ला।
प्रियजनबाट पनि अलि टाढिनुपर्ने समय
छ।
तुला - र, रि, रु, रे, रो, ता, ति, तु, ते
(Libra)
विभिन्न अवसर पाइने
समय छ। तर, सोचेको
काम समयमा सम्पादन
गर्न नसकिने र अवसर
फुत्कने सम्भावना
देखिन्छ। सहयोगी वा हितैसी जनले
तपाईंको कमजोरीप्रति टिप्पणी वा
गुनासो गर्न सक्छन्, सचेत रहनुहोस् । अलि
द्विविधामा परिने र निर्णायक
क्षमतामा कमी आउने योग छ । धैर्यसाथ
निरन्तरको प्रयत्नले मात्र फाइदा हुनेछ।
बृश्चिक - तो, ना, नि, नु, ने, नो, या,
यि, यु (Scorpio)
पारिवारिक
भेटघाटको समय छ।
विशेष व्यक्तित्वलाई
भेट्ने मौका आउला। ठूलै
फाइदाको आश्वासन
पनि पाइनेछ। तर, यथार्थमा लाभ भने कमै
मिल्नेछ। उपहारका नाउँमा बिग्रेको वस्तु
हातलागी होला। स्वादिष्ट भोजनको
अवसर मिल्नेछ। तर, पेटको खराबीले
सताउन सक्छ। सहयोगीहरूबाट पनि अलि
धोका पाइने सम्भावना छ, सचेत
रहनुहोला।
धनु - ये, यो, भ, भि, भु, ध, फा, ढ, भे
(Sagittarius)
केही मात्रामा खर्च
बढ्नेछ। काममा लगानी
बढाउने समय छ। शोख
परिपूर्ति गर्नमा पनि
खर्च बढ्नेछ। तर, आफ्नै
प्रयत्नमा नसोचेको काम बन्न तत्काल
सक्छ। दिगो फाइदा हुने काममा लगानी
बढाउन सकिनेछ। पतिपत्नीबीच घरसल्लाह
भने नमिल्न सक्छ। वैदेशिक क्षेत्रबाट लाभ
लिने मौका छ। अनुकूल स्थानान्तरण र
टाढाको यात्रा सम्भावना छ।
मकर - भो, ज, जि, खि, खु, खे, खो, गा,
गि (Capricorn)
व्यावसायिक काममा
राम्रै फड्को मार्न
सकिनेछ। साझेदारी र
सट्टापट्टामा विशेष
लाभ मिल्नेछ। नयाँ
जिम्मेवारी पाइएला। लामो समयदेखि
रोकिएको काम बन्नुका साथै
आम्दानीको स्रोत समेत बढ्नेछ।
पारिवारिक आवश्यकता पूर्ति होला।
श्रमको उचित मूल्यांकन हुनेछ। पितृधनको
उपयोगबाट विशेष फाइदा होला।
सोचेभन्दा बढी नै लाभ हुने योग छ।
कुम्भ - गु, गे, गो, सा, सि, सु, से, सो, द
(Aquarius)
कामको सन्दर्भमा
रमाइला व्यक्तित्वहरूसँग
मित्रता बढ्नेछ। कला,
साहित्य, मनोरञ्जन
आदि क्षेत्रमा रुचि
बढ्नेछ। व्यापार–व्यवसायमा
लाग्नेहरूलाई विशेष फाइदा होला।
रुचिका विषयमा लगानी बढाउने समय
छ। विभिन्न अवसरले पछ्याउनेछन्।
भविष्यका लागि विशेष काममा जग
बसाउने मौका छ। तत्काल ठूलो फाइदा
भने उठाउन नसकिएला।
मीन - दि, दु, थ, झ, ञ, दे, दो, च, चि
(Pisces)
आस मारेको काम
बन्नाले उत्साह जाग्नेछ।
सानो प्रयत्नले ठूलो
काम सम्पादन हुनेछ।
गरेका कामबाट धेरैलाई
फाइदा पुग्न सक्छ। सामाजिक काममा
रुचि बढ्नेछ। एउटै कामबाट दोहोरो लाभ
मिल्नेछ। विशेष योजनाहरू बन्नेछन्।
धार्मिक अनुष्ठान र मंगलमय कृत्य सम्पादन
हुन सक्छन्। व्यवसायमा पनि प्रशस्तै लाभ
हुनेछ। भाग्योन्नतिको समय छ।
भिडियो हेर्न यहाँ तल क्लिक गर्नुहोस
|
|
0 comments:
Post a Comment