भिडियो हेर्न यहाँ तल क्लिक गर्नुहोस

काठमाडौं,चैत ३ – एमाओवादी अध्यक्ष प्रचण्डले
तत्कालीन राजा ज्ञानेन्द्रभन्दा कांग्रेस–एमाले
शक्तिशाली भएको बताएका छन् । उनले आगामी
आन्दोलन घोषणाका लागि सिंहदरबारमा आइतबार
साँझ बसेको ३० दलीय मोर्चाको बैठकमा
भने,‘तत्कालीन राजा ज्ञानेन्द्रसँग सेनामात्र थियो
,जनता थिएनन् । तर,अहिले कांग्रेस–एमालेसँग
राज्यशक्तिसँगै कार्यकर्ता पनि छन् ।’ केही मधेसी
नेताहरुले सम्झौताहीन आन्दोलन गर्न दबाब दिएपछि
उनले सोधे,‘के हामी जनता–जनताबीच लडाईमा जाने
हो ?’
नेपाल सद्भावना पार्टीका अध्यक्ष राजेन्द्र महतोले
हाम्रो आन्दोलन वार्ताका लागि कि उपलब्धिका
लागि भन्दै प्रचण्डलाई कुनै पनि संसदीय कार्यक्रममा
भाग नलिन भनेका थिए ।
त्यसैगरी,मोर्चाको अर्को घटक मधेसी जनअधिकार
फोरम नेपालका अध्यक्ष उपेन्द्र यादवले सत्तारुढ
दलहरुसँग घुँडा टेकाउन आन्दोलन गर्नैपर्ने दबाब दिएका
थिए ।