भिडियो हेर्न यहाँ तल क्लिक गर्नुहोस

रौतहट : एमालेका वरिष्ठ नेता माधवकुमार नेपालले
पूर्वराजासँग विगतमा कुनै सम्झौता नभएको बताएका
छन्। रौतहटको चन्द्रनिगाहपुरमा कार्यकर्ताहरूबीच
बिहीबार नेता नेपालले पूर्वराजा ज्ञानेन्द्रसँग कुनै
सहमति नभएको बताएका हुन्।
नेता नेपालले कमल थापा, पद्मसुन्दर
लावतीलगायतलाई संकेत गर्दै भने, 'पूर्वराजा
ज्ञानेन्द्रका पुच्छरहरूले सहमति भएको भनेर जनतालाई
भ्रममा पारिरहेका छन्। 'उनले भने, 'राजासँग त्यसबेला
कुनै सहमति भएको छैन। मैले भनेको विश्वास छैन भने
गिरिजाबाबुलाई गएर सोध्नुस्, मेरो भन्नु यति छ।'
कार्यकर्ताहरूमाझ उनले अहिले विकासका कुरा
गर्नुपर्ने समयमा आठ वर्षदेखि देश र जनताको हितमा
नरहेको संविधानका विषयमा अल्झिएर समय खेर
गइरहेको समेत बताए। जेठ १५ सम्ममा संविधान आउने
उनको धारणा थियो।