भिडियो हेर्न यहाँ तल क्लिक गर्नुहोस

मस्को, ३ असार– रसियाली राष्ट्रपति
भ्लादिमिर पुटिनले आफ्नो मुलुकले
पारमाणविक हतियारभण्डार विस्तार गर्न
चाहेको बताउनुभएपछि क्रेमलिनका एक उच्च
सहयोगीले मस्को अमेरिकासँग नयाँ महङ्गो
हतियारको दौडमा प्रवेश गर्न नचाहेको
बताएका छन् ।
रसियाली राष्ट्रपति पुटिनका विदेश
नीतिका विषयमा उच्च सहयोगी युरी
युसाकोभले एक पत्रकार सम्मेलनमा आफ्नो
मुलुकले केही प्रकारको चुनौतीप्रति
प्रतिक्रिया व्यक्त गर्न चाहेको बताए । उनले
आफूहरू कुनै पनि प्रकारको हतियारको
होडबाजीको विरोधमा रहेको बताउँदै यसले
आफ्नो आर्थिक क्षमतालाई कमजोर बनाउने
बताए । उनले आफूहरू यस्तो कार्यको
सैद्धान्तिक रूपमा विरोधी भएको बताए ।
राष्ट्रपति पुटिनले रसिया तथा पश्चिमी
मुलुकबीच प्रत्यक्ष सैनिक द्वन्द्वका
सम्भावनाका विषयमा भने कुनै पनि
टिप्पणी गर्न अस्वीकार गरे । मंगलबार
रसियाली राष्ट्रपति पुटिनले आफ्नो
पारमाणविक हतियारको भण्डारमा ४०
वटा अन्तरमहाद्वीपीय क्षेप्यास्त्र थप्ने
बताएका थिए र यसका कारण पश्चिमी
मुलुकले बयान दिन थालेका छन् । उनले कसैले
आफ्ना क्षेत्रमा चुनौती दिए आफूहरूले आफ्ना
सशस्त्र शक्ति तथा आधुनिक प्रहारक क्षमता
उक्त क्षेत्रमा लैजानुपर्ने बताएका थिए ।
उक्त भनाइको आलोचना गर्दै अमेरिकी
विदेशमन्त्री जन केरीले कोही पनि
शीतयुद्धमा फर्कन नचाहेको बताएका थिए ।
युक्रेनमा द्वन्द्वपछि रसिया तथा पश्चिमी
मुलुक द्वन्द्वमा परेका छन् ।
अमेरिकाले पूर्वी युरोपमा नेटोका सहयोगी
मुलुकमा आफ्नो हतियार तैनाथ गर्ने योजना
बनाएपछि रसियाली राष्ट्रपति पुटिनले
अमेरिकी नेतृत्वमा रहेको उक्त गठबन्धन आफ्नो
सीमामा आइरहेको आरोप लगाएका थिए ।
रासस/एएफपी