भिडियो हेर्न यहाँ तल क्लिक गर्नुहोस
 |
विदेशी नागरिकता (ग्रीनकार्ड, पिआर, डिभजी) लिनेहरुलाई सरकारी सेवामा मात्रै होइन, राज्यबाट प्रदान गरिने राजनीतिक पदहरुसमेत नदिने गरी कानुन तर्जुमा भएको छ । यो कानुको तर्जुमा भएपछि कर्मचारी वृत्तमा खलबल भएको छ, साथै यसको असर राजनीतिक वृत्त एवं पार्टीहरुमा समेत परेको छ । यो कानुन तर्जुमा गर्ने क्रममा एक वर्ष अघि मन्त्रिपरिषद् बैठकमा हात हालाहालको अवस्था सिर्जना भएको थियो ।
विशेष गरी राप्रपाबाट मन्त्री बनेका सुनिल थापा, कांग्रेसबाट डा. मिनेन्द्र रिजाल, डा. रामशरण महत, डा. नारायण खड्का लगायतले उक्त विधयेकमाथि आपत्ति जनाएका थिए ।
तर, सामान्य प्रशासन मन्त्री लालबाबु पण्डितले प्रधानमन्त्री सुशील कोइरालालाई धम्की दिएरै उक्त विधयेकलाई अघि बढाउँदै एक वर्षभित्र टुंगोमा पुर्याए ।
मन्त्रीले समेत विदेशी नागरिकता लिएको र राख्न नपाउने भएपछि धेरैले कुरा मिलाइसकेका छन् । विधयेकमा लालमोहर लागेको भोलिपल्ट संसदमा स्पष्टीकरण दिंदै संचारमन्त्री मिनेन्द्र रिजालले आफूसँग अमेरिकी नागरिकता नभएको दाबी गरे ।
तर, अरु मन्त्रीले मुख फोरेका छैनन् । स्रोतका अनुसार मन्त्री थापा अमेरिकी नागरिकता नछोड्ने तर, मन्त्री पद छोड्ने मनस्थितिमा रहेका छन् । तरुण साप्ताहिकबाट
भिडियो हेर्न यहाँ तल क्लिक गर्नुहोस
|
|
0 comments:
Post a Comment