भिडियो हेर्न यहाँ तल क्लिक गर्नुहोस

दाङ : थारु संयुक्त संघर्ष समितिले ६ दिने
आमहडतालको घोषणा गरेको छ । साउन २७ गते
बुधवारदेखि साउन ३२ गतेसम्म तराईका २२ जिल्लामा
आमहडतालको घोषणा गरिएको हो ।
थारु कल्याणकारिणी सभाको संयोजनमा रहेको
थारु संयुक्त संघर्ष समितिले कञ्चनपुरदेखि चितवनसम्म
थारु प्रदेश हुनुपर्ने मागसहित तराईका २२ जिल्लामा
आमहडतालको घोषणा गरिएको केन्द्रीय संघर्ष
समितिको विज्ञप्तिमा उल्लेख छ ।
कञ्चनपुरदेखि चितवनसम्मको भूभाग थारु प्रदेश हुनुपर्ने
मागसहित कैलाली तथा कञ्चनपुरमा चलिरहेको थारु
आन्दोलनको समर्थनमा उक्त आमहडतालको आयोजना
गरिएको केन्द्रीय संघर्ष समितिका सदस्य तथा
पूर्वसभासद् इन्द्रजीत थारुले जानकारी दिए ।
थारुका अनुसार आमहडतालमा यातायात,
शिक्षणसंस्था, व्यापार–व्यवसाय, कलकारखाना सबै
बन्द रहने छ । सिमाङ्कनको क्रममा थारुहरुको अस्तित्व
नै समाप्त हुनेगरी प्रदेशहरुको विभाजन गरिएको भन्दै
थारुहरुले आमहडतालको घोषणा गरेको उनको भनाई छ
।