भिडियो हेर्न यहाँ तल क्लिक गर्नुहोस

काठमाडौं, २१ भदौ । सामाजिक सद्भाव भड्काउन र
उत्तेजना फैलाउने कुरा फेसबुकमा लेखेको अभियोगमा
पक्राउ परेका सङ्घीय समाजवादी फोरम, नेपाल का
केन्द्रीय सदस्य आङकाजी शेर्पालाई विनासर्त रिहा
गराउन राजनीतिक दवाव सुरु भएको छ ।
विद्युतीय (इलेक्ट्रिोनिक) कारोबार ऐन, २०६३
अन्तर्गत मुद्दा चलाउने महानगरीय प्रहरी अपराध
अनुुसन्धान महाशाखाको तयारीबिरुध्द राजनीतिक
पहल अगाडि बढाउन संघीय समाजवादी फोरमका
नेताहरूले पहल थालेका हुन् ।
आइतबारस साँझ संघीय समाजवादी फोरमका
नेताहरूले बालुवाटारमा प्रधानमन्त्री सुशील
कोइरालालाई भेट गरी आङ्काजी शेर्पा निर्देश
रहेको दाबी गरे । उनीहरूले निर्दोश आङ्काजीलाई
रिहा गर्न प्रधानमन्त्रीसँग आग्रह गरेका हुन् ।
संघीय समाजवादी फोरमका वरिष्ठ नेता
अशोककुमार राईको नेतृत्वमा गएको एक प्रतिनिधि
मण्डलमा सोही दलका सहअध्यक्ष राजेन्द्र श्रेष्ठ,
केन्द्रीय सदस्यद्वय अजम्बर राई काङमाङ, आङदेण्डी
शेर्पा, नेपाल शेर्पा सङ्घका अध्यक्ष ए.डी. शेर्पा र
जनजाति महासङ्घका उपाध्यक्ष डण्डु ढोक्प्या
सहभागी हुनुहुन्थ्यो ।
भेटमा प्रधानमन्त्री कोइरालाका साथमा वनमन्त्री
महेश आचार्य पनि रहनुभएको थियो ।
भेटवार्तामा प्रधानमन्त्री कोइरालाले प्रतिनिधि
मण्डललाई आन्तरिक सारोगारोका बाबजुद शेर्पाको
रिहाको एजेण्डा राजनीतिक विषय भएको भन्दै आज
(सोमबार)को क्याबिनेट बैठकमा लाने आश्वासन
दिनुभएको संघीय समाजवादी फोरम नेपालले
जनाएको छ ।