भिडियो हेर्न यहाँ तल क्लिक गर्नुहोस

नयाँ सरकारबारे कुनै टुङ्गो लागेन्

काठमाडौं, २२ असोज । नयाँ सरकारको नेतृत्वको
विषयलाई टुङ्गो विहीबारदेखि जारी नेपाली
कांग्रेस केन्द्रीय समितिको बैठक विना निष्कर्ष
सकिएको छ ।
विहीबार विहानदेखि प्रधानमन्त्री निवास
बालुवाटारमा बसेको बैठक शुक्रबार अपराह्न विना
निष्कर्ष सकिएको हो । बैठकमा सरकारको नेतृत्व आफै
लिने की एमालेलाई सहयोग गर्ने विषयमा छलफल
भएको थियो ।
बैठक सकिएपछि केन्द्रीय सदस्यहरु अन्यौलमा परेका छन्
। उनीहरु अहिले बालुवाटारमै बसिरहेका छन् । यता
पार्टी बैठक सकिएलगत्तै कांग्रेसका शीर्ष नेताहरुको
गोप्य बैठक सुरु भएको छ ।
स्रोतका अनुसार एमालेलाई नेतृत्व दिने की आफै नेतृत्व
लिने विषय टुङ्गो लगाउन कांग्रेसका शीर्ष तीन
नेता, प्रधानमन्त्री एवं सभापति सुशील कोइराला,
वरिष्ठ नेता शेरबहादुर देउवा र उपसभापति रामचन्द्र
पौडेलबीच गोप्य छलफल भइरहेको छ ।
एमालेले अध्यक्ष केपी शर्मा ओलीलाई
प्रधानमन्त्रीको उम्मेदवारका रुपमा अगाडि सारेर
बहुमत जुटाइसकेको अवस्थामा आफ्नो बहुमतको
स्थिती हेरेर गोप्य बैठकले नयाँ सरकारको नेतृत्वबारे
निर्णय दिने अपेक्षा गरिएको छ । गोप्य बैठकको
निर्णय ल्याएपछि नयाँ सरकारको नेतृत्वबारे टुङ्गो
लाग्नेछ ।