भिडियो हेर्न यहाँ तल क्लिक गर्नुहोस

काठमाडौं, २५ श्रावन । नेपाली कांग्रेसका
सहमहामन्त्री तथा पूर्वगृहमन्त्री पूर्णबहादुर खड्काको
निर्देशनमा प्रहरीले आन्दोलनकारी माथी गोली
चलाएको खुलासा भएको छ । अखण्ड मध्यपश्चिमको
माग गर्दै आन्दोलनमा उत्रेका स्थानीयबासीलाई
खड्काको निर्देशनमा प्रहरीले गोली प्रहार गरेको
थियो । प्रहरीको गोलीबाट स्थानीय टीकाराम
गौतमको मृत्यु भएको छ भने, पाँच जना घाइते भएका छन्
।
शनिवारदेखि अखण्ड मध्यपश्चिमको माग गर्दै
आन्दोलनमा उत्रेका स्थानीयबासीले तीन प्रमुख
दलका पार्टी कार्यालय, जिल्ला विकास
समितिको कार्यालय तोडफोड गरेपछि
सहमहामन्त्री खड्काको धमला चोक स्थित घरमा
पुगेका थिए । खड्काको घरमा पार्किड गरि
राखिएको गाडी तोडफोड र गाई गोठमा आगजनी
गरेपछि प्रहरीसँग भिडन्त भएको थियो । प्रहरी
त्यहाँबाट आन्दोलनकारीलाई लखेट्ने क्रममा गोली
चलाएको थियो ।
खड्काको निवासमा तोडफोड हुने आशंका भएपछि
मध्यपश्चिम प्रहरी प्रमुख डीआईजी केशब अधिकारीले
सहमहामन्त्री खड्कासँग टेलिफोन संवाद गरेका थिए ।
खड्काले तोडफोडबाट घर र परिवारलाई बचाउँन
गोली हान्ने आदेश दिएका थिए । तर डीआईजी
अधिकारीलाई गृहमन्त्रालयले भने गोली नचलाउन
निर्देशन दिएको थियो ।
गृहमन्त्रालय स्रोतका अनुसार गृहले पक्राउ र लाठी
चार्चसम्मको आदेश दिएपनि गोली नै प्रहार गर्ने आदेश
दिएको थिएन । तर पूर्वगृहमन्त्री समेत रहेका खड्काको
निर्देशनमा प्रहरीले गोली चलाएको छ । सुर्खेतमा
गोली चले लगतै खड्काले प्रहरी महानीरिक्षक
उपेन्द्रकान्त अर्यालसँग भेट गरेको स्रोतले बताएको छ ।
कांग्रेस नेता तथा सभासद् हृदयराम थानीको घरमा
पनि प्रर्दशनकारीले तोडफोड गरेका छन् । कांग्रेस
सभासद्लाई आन्दोलनकारीले निशाना बनाएको
भन्दै त्यसको सुरक्षा गर्न खड्काले आइजीपी अर्यालसँग
आग्रह गरेका थिए ।