काठमाडौं, भदौ १२– नेपाली यू–१९ राष्ट्रिय फुटबल
टोलीका प्रशिक्षक बालगोपाल महर्जनले आफ्नै
प्रशिक्षणको टोलीले २२ वर्षपछि अन्तराष्ट्रिय
प्रतियोगिता जित्दा निकै खुसी लागेको बताएका
छन् ।
साफ यू–१९ च्याम्पियनसीपकोृ फाइनलमा पेनाल्टी
सुटआउटमा भारतलाई हराएपछि सञ्चारकर्मीहरुसँग
कुराकानी गर्दै उनले जितसँगै नेपाली फुटबलमा हेर्ने
दृष्टिकोणमै परिवर्तन आउने विस्वास व्यक्त गरे ।
‘विगतमा नेपाली टोलीले सफलता नपाउँदा
समर्थकहरुले गाली गर्ने गरेका थिए तर जितसँगै एकपटक
फेरि फुटबलको क्रेज बढेको छ’, उत्साहित हुँदै उनले भने ।
उनले आफूले बनाएको रणनीति अनुसार खेलाडीहरुले
उत्कृष्ट प्रदर्शन गरेको भन्दै अगाडी भने, ‘हामीले जुन
इस्टाटिक्स बनाएका थियौं, त्यसअनुसार नै
खेलाडीहरुले खेले । अब हामी साउथ एसियाका जुनसुकै
राष्ट्रलाई पनि जित्न सक्छौं भन्ने प्रमाणित भएको
छ ।’
उनले आगामी दिन यो भन्दा राम्रो नतिजा ल्याउने
प्रयास गर्ने भन्दै सरकारले पनि विषेश सहयोग
गर्नुपर्नेमा जोड दिए ।
0 comments:
Post a Comment