भिडियो हेर्न यहाँ तल क्लिक गर्नुहोस

विवाह मानव जीवनकै एक महत्वपूर्ण संस्कार हो । केही
अपवाद्हरुलाई छाड्ने हो भने विवाहले मानुष्य
जीवनलाई सुखद् र व्यवस्थित बनाउँछ । साथै संसारको
श्रृष्टी चक्र धान्नका लागि पनि विवह अत्यावश्यक
छ ।
वैवाहिक जीवन सबैको सुखद् नै हुन्छ भन्ने पनि छैन ।
विवाह गरेर दु:ख पाएका मानिसहरुको संख्या पनि
प्रसस्तै देख्न सकिन्छ । त्यसैले विवाह गर्नुअगावै असल
जीवनसाथी खोज्नु जरुरी छ ।
कस्तो छान्ने त जीवनसाथी ? हिन्दू धर्म शास्त्र
विष्णु पुराणमा स्त्रीहरुको विषयमा थुप्रै कुरा
गरिएको छ । यो पुराणमा विवाहका लागि ४
प्रकारका युवती अयोग्य हुनेसमेत उल्लेख छ ।
यस्ता हुन् ति चार प्रकारका युवती

१. खराब बोली भएकी/कटु वचन बोल्ने
भनिन्छ, मिठो बोलीमा सरस्वतीको बास हुन्छ ।
सरस्वतीलाई बाणीकी देवी समेत भनिन्छ । मिठो
बोली बोल्ने स्त्रीसँग सरस्वती सँधै प्रसन्न हुने
पुराणहरुमा उल्लेख छ । कटु वचन बोल्ने स्त्रीको स्वभाव
पनि बोली जस्तै हुन्छ । यस्ता स्त्रीले घरको शान्ति
खल्बल्याउँछन् भन्ने विष्णु पुराणमा उल्लेख छ ।

२. सात पुस्ते नाता भित्रको युवती
हिन्दू धर्म संस्कारमा नाता पर्ने युवतीसँग विवाह
गर्नुहुँदैन । सहगोत्रीसँग पनि विवाह अमान्य छ ।
विष्णु पुराणमा माता वा पिता कसैको पनि नाता
पर्ने युवतीसँग विवाह गर्दा विभिन्न अनिष्ठ हुने
उल्लेख छ । वैज्ञानिकहरुले समेत नजिकको सम्बन्धमा
विवाह घातक हुने बताइसकेका छन् । शास्त्रमा
कम्तिमा सात पुस्ता भन्दा टाढा पुगेपछि मात्र
विवाह गर्नु राम्रो मानिएको छ ।

३. परपुरुष र दुष्ट पुरुषसँग सम्बन्ध भएकी
विवाह अघि नै परपुरुषसँग सम्बन्ध भएकी र दुष्ट पुरुषको
संगत गर्ने स्त्रीलाई पनि विष्णु पुराणले विवाहका
लागि अयोग्य मानेको छ । यस्ता युवतीलाई विवाह
गर्दा जीवनमा संकट आइलाग्न सक्छ ।

४ अल्छी र ढिलासम्म सुत्ने
अल्छि हुनु स्त्रीका लागि असोभनी हुने विष्णु
पुराणमा उल्लेख छ । अल्छी र ढिलासम्म सुत्ने युवती
आलसका प्रतिक हुन् । आलसी युवतीले घरमा कुनै पनि
राम्रो काम गर्न सक्दिनन् । फोहोर र अल्छीको
घरमा लक्ष्मीले बास नगर्ने धार्मिक विश्वासमेत छ ।