भिडियो हेर्न यहाँ तल क्लिक गर्नुहोस

काठमाडौं, १० कात्तिक । अफगानिस्तानको
हिन्दकुस पर्वत इलाकामा केन्द्र विन्दु भई सोमबार
गएको ७.५ रिक्टर स्केटको भूकम्पमा परी ज्यान
गुमाउने व्यक्तिको सङ्ख्या तीन नाघेको छ ।
यस प्रकोपमा परी मारिएका व्यक्तिको मृतकको
सङ्ख्याका साथै क्षतिको विस्तृत विवरण भने अझै
पनि प्राप्त भई नसकेको बताइएको छ ।
पाकिस्तान र अफगानिस्तानको सीमा क्षेत्रमा
गएको यस भूकम्पमा परी पाकिस्तानका मात्र २१४
जना नागरिकको मृत्यु भएको जनाइएको छ । साथै
अन्य १ हजार ८०० भन्दाबढी व्यक्ति घाइते भएका
पाकिस्तानको प्रकोप व्यवस्थापन अधिकारीहरुले
जानकारी दिएका छन् ।
तर अफगान अधिकारीहरुले भने अफगानिस्तानतर्फ
यस भूकम्पमा परी ६३ मात्र व्यक्तिको मृत्यु हुनुको
साथै सयौँ व्यक्ति घाइते भएका बताएका छन् ।
अफगानिस्तानका ३४ वटा प्रान्तमध्ये करिब एक
दर्जन प्रान्तमा यो हताहतको सङ्ख्या प्राप्त
भएको बताइएको छ ।
प्रारम्भिक समाचार अनुसार यस भूकम्पबाट
अफगानस्तिानको बादखसान, तखार नानगार्हार
र कुनार प्रान्तमा ठूलो मात्रामा मानवीय र
भौतिक क्षति भएको जनाइएको छ ।
टेलिफोन लाइन र अन्य सञ्चारमाध्यको सम्पर्क
पनि विच्छेद भएको हुनाले अन्य विस्तृत विवरण भने
प्राप्त नभएको बताइएको छ । अमेरिकी भौगर्भिक
सर्वेक्षण संस्थाका अनुसार यो भूकम्प ७.५ रिक्टर
स्केलको मापन गरिएको छ ।
दुर्गम क्षेत्रमा रहेको उत्तरी तखार प्रान्तमा एक
बिद्यालय भवन भत्किँदा त्यहाँबाट भाग्न
खोजेका १६ बर्ष भन्दामुनिका करिब एक दर्जन
बालिकाको मृत्यु भएको जनाइएको छ ।
अफगानिस्तानमा यसअघि पनि सन् २००५ को
अक्टोबरमा यस्तै शक्तिशाली भूकम्प गएको थियो
। सो भूकम्पमा परी सात हजार ५०० नागरि
मारिएका थिए ।
साथै सो भूकम्पले गर्दा ३५ लाख नागरिक
घरबारबिहीन बनेका थिए । त्यसअघि यसै वर्षको मे
महिनामा नेपालमा पनि यस्तै शक्तिशाली भूकम्प
गएको थियो । त्यसमा परी आठ हजार ९००
मानिस मारिएका थिए । यसका कारण
पहिरोको प्रकोप पनि बढेको बताइएको थियो ।
रासस/एएफपी